INUPLAN-IP mission-ia imaluunniit eqqarsaatersukkamik tunngavia ataatungaani allanneqarsimavoq, isumannaarnissaa ineriartorneq eqqarsaatigalugu taavalu aningaasat tungaatigut suliffeqarfiup aqunnera inuiaqatigiit iluanni politikkikkut taavalu teknik-ikkut ingerlalluarnissaa siunertaralugu.
Allaffipput 60-kunni allaffittut danskit sulifeqarfiat Nielsen & Rauschenberger Rådgivende Ingeniører-ip ataani inissisimasoq, kingunerani 1980-imi Namminersorneq Kalaallit Nunaannut eqqunneqartoq INUPLAN suliffeqarfittut pilersinneqarpoq.
Ineriartorneq 1980-imili ima ingerlasimavoq, ullumikkut INUPLAN-i suliassat assigiinngitsut tamarmik Kalaallit Nunaanni sanaartornerup tungaatigut suliarisinnaallugit. Suliassami immikkoortumi arlaannik immikkut nalunngisalimmik pisariaqartitissagutta imaluunniit saniatigut ikiortissaqassagutta taava siunnersuisartut allat peqatigalugit suleqatigiissinnaavugut suliaq naammassiniarlugu.
Suliffik sulisumininngaanniit Kalaallit Nunaanni najugaqartuni pigineqarpoq. Kalaallit Nunaanni sulisugut maani peroriartornikkut suliffeqarfinnut allanut naleqqiullugu piginnaassusaat assigiinnarpagut.
Suliffeqarfik INUPLAN sulisui annermik Kalaallit Nunaannut atassutilinnik tunngaveqassaaq. Suliffissanik pilerinartunik pilersitinikkut, tamanna sulisutta sulinerup tungaatigut piginnaassusaat qaffatissinnaavarput taavalu inuiaqatigiinnut INUPLAN-ip sunniutaa taamaalillugu isumannaassavarput.
INUPLAN-ip suliarisartagai annermik Kalaallit Nunaannut tunnganerupput kisianni silataanut attavigut aqqutigalugit sulisoqatinik siunnersuisartunik allanik suleqatigalugit suliassanik Kalaallit Nunaata avataaniittunik naammassinissamik periarfissaqarpugut.
Ilimagineqanngilaq siunissami qanittumi piviusumik isigissagaanni suliat-pigineqartut (markedsandele) Kalaallit Nunaata avataani sunnerneqarpallaarnavianngitsut. Utaqqiisaagallartumik teknik-ikkut aningaasatigullu ineriartorneq nunani issittuni malilluaqqissaarparput taavalu INUPLAN ammavoq arlaannik teknik-ikkut ilisimasanik paarlaasseqatigiinnissamik taamaalillunilu suleqatigiinnermik pilersitsineq.
Maannakkut suliarisartakkagut makkuupput: teknik-ikkut siunnersuineq naliginnaanerusumik sanaartorneqartartuni soorlu illuliornermi, sanaartornerit pajutsinermut tunngasut (forsyningsanlæg) aammalu aqqusernit, mittarfiit assigisaallu allat infrastruktur-imut tunngasut.
Ineriartornerup taavalu aningaasarsiornerup tungaatigut peqquteqarluartumik suliarisartagassanik nutaanik ilanngussuissaagut.
Suliarisartakkagut killilersornerani markedssituation-imut tulluarsarneqassaaq taavalu uagut periarfissatsinut sulisutta piginnaassusaat tunngavigalugu.
INUPLAN siunnersuisartutut inissisimanini atatiinnassavaa siunnersuilluarnikkut taavalu aningaasanik balancerilluakkanik pisisumut siunnersuinermigut.
INUPLAN nammineq pigineqartuassaaq annermik inuinnarnik suliffeqarfimmi maani sulisunik tungaatigut. Taamaalilluta siunertarput taavalu kaluttorneqarnata suliassat tungaatigut aaliangiisinnaalluta suliffeqarfiup atassutai eqqarsaatigalugit.
Suli sulissutigissavarput sulisutta ukiui assigiiartumik siammarsimassasut taavalu sulisussanik nutaanik soqutigisalinnik taavalu periarfissalinnik suliffeqarfimmik ingerlateqqissussanik.
Kapitalforvaltning-erput ima suliarineqassaaq aningaasat tungaatigut naammattunik isumannaarsuinikkut tamannalu suliffeqarfiup ineriartornera pilersissavaa taavalu piginnaassusermik ineriartortititseqataassaluni minnerunngitsumillu suliffinnik suliassanik (forretningsområder) naleqqussaalluta.
Pilersaarusiorneq suliffeqarfiup ineriartorneranut ingerlaavaartumik tunngavilik eqqarsaatersukkamik tunngavilimmut (idegrundlag) maanna taakkartorneqareerpoq. Taamaalilluta isumannaapparput INUPLAN siunissami aamma pilerinartumik, toqqissisimanartumillu suliffiussasoq taavalu suleqatigiuminartuussasoq.
