INUPLAN A/S suliffeqarfiuvoq ilisimasanik katersillunilu tunngavilik. Katersukkagut amerlaqisut aammattaaq nillertumut arktisk-imut tunngapput. Suliffeqarfipput sulisui allanngorartuunngillat taamaalillutillu sulinikkut ilikkakkat suliffimmut assut iluaqutaasarput, ilisimasanillu katersukkat annertusisarlutik. Tamaalillutalu suliassanik naammassisarneq sukkasuumik angusinnaasarlugu. Tamanna inuinnarnut ataasiakkaanut tunngaveqarpoq, taamaattumik INUPLAN A/S avatangiisinik neqeroortarpoq piukkunnartunik suleruminartumillu.

Ulluinnarni suligaangatta anguniartarparput sulisut ataasiakkaat piginnaanitik allisinniarsarisarlugit, suliassanik sapernarnerulaanik tunisaqattaarlugit. Uagummi isumaqaratta sulisugut ilikkarnerusartut suliaq passutileraangamikku. Taamaammat pingaartipparput sulisutsinnut sulianik sapernarliartuaartunik tunisigaangatta, piginnaasai allisinniarlugit.