INUPLAN A/S-i sulisup ataasiakkaap nalunngisai, piumassusaa, misilittagai taavalu sapinngisaa tunuliaqutaralugit siunnersuisartoqarfiuniarpoq pitsaanerpaaq suleqatigiuminartoq sanaartornerup iluani Kalaallit Nunaani.
INUPLAN A/S-i siuttoorusuppoq ingeniør-itut siunnersuisartuni Kalaallit Nunaanni, anguniagarivaalu suliffeqarfik ukiut 5 ingerlanerani marloriaammik anginerulerniarluni, taamaalilluni Kalaallit Nunaat minnerpaamik ataatsimik suliffeqarfeqassasoq ingeniør-it tungaatigut arlalinnik neqeroorsinnaasumik kisianni naliginnaanerusunik suliaqarnerusartunik sanaartornerup iluani.
INUPLAN A/S sulissutigerusuppaa suliassat teknik-imut tunngasut amerlanerit Kalaallit Nunaanni suliarineqartassasut sulisunik Kalaallit Nunaanni sulisunik, taamaalillutanunatsinni ilisimasagut sapinngisagullu qaffassassavagut.
Maannakkkuugallartoq suliassat annertuut amerlanerit avammut nassiunneqartarput, taakku aqunneqarlutillu suliarineqartarput suliffeqarfinnik Kalaallit Nunaanni najugaqanngitsunik, tamannalu kinguarsaatigalugu ajoqutigaarput ilisimasamut sapinngisatinnullu kalaallit suliffeqarfiit eqqarsaatigalugit.
Pingaaruteqarpoq suliffeqarfiit Kalaallit Nunaanniissasut, taakkuusut aqutsisuullutillu suliarineqartassasut taavalu avataaniit ikiortissamik atorfissaqartitinikkut tikisitinissaq. Kisimi taamaalilluta attavigut suleqatigullu annertusarsinnaavagut nunani allani siunnersuisartunut, taavalu ilisimasanik qaffassaaneq katersuinerlu annermik nunatsinni pineqassaaq.
INUPLAN A/S tamanna sulissutigivaa ersersinniarlugu taavalu allanngortinniarlugu.
Ulluinnarni INUPLAN A/S suli inuinnarnik suliffeqarfimmi sulisuni pigineqassaaq, maani suliffimmi sulisartuni. Taamaalilluta isumannaassavarput nammineerluta aalajangiisinnaanerput taavalu attavitsinnut allanut kaluttorsimanata.
Ukiut ingerlanerini INUPLAN A/S-i ingeniør-itut praktik-ertunik Kalaallit Nunaanninngaanneersunik aammattaaq Danmark-iminngaannersunik tigusisarsimavoq. Taamaaliortarpugut Kalaallit Nunannut ilisimanninneq siammarniarlugu taavalu Kalaallit Nunaanniittut pissutsit immikkoortut takutinniarlugit minnerunngitsumillu siunissami sulisussanik sulisoqarniarluta.
