INUPLAN AVATANGIISIT PILLUGIT IMMIKKOORTORTAQARFITTAARPOQ
Maj-ip 2-ani 2011 ingeniørit siunnersuisarfiat INUPLAN A/S avatangiisit pillugit nuummi immikkoortortaqarfimmik sisamanik inuttalimmik pilersitsivoq.
Immikkoortortaqarfittaap pilersinneqarnera INUPLAN-imut pissusissamisoortuuvoq peqqutigalugu Kalaallit Nunaani avatagiisit pillugit siunnersuisinnaaneq tamatigut annertusiartormat. Pisortaqarfiit, namminersortut taamatullu aamma uuliasiornermik aatsitassarsiornermillu sammisallit avatangiisinut inuiaqatigiinnullu sunniutaasartunik siunnersorneqarnissaq pisariaqarteqaat.
Taamaatsumik INUPLAN pigaarutilimmik alloriarpoq ingeniør-itut avatagiisillu pillugit siunnersuinissaminut siammasissumik periarfissilluni taamaalilluni nunatsinni ilisimasanik piginnaasanillu ineriartortitsinissaq nukittorsaanissarlu tunngavissaqarluartilissallugu.
INUPLAN avatangiisit pillugit immikkoortortaqarfeqalernermigut nunatsinni pisortanut namminersortunullu suleqatitut suli nukittuninngorlunilu piginnaasaqarnerulissaaq soorlu suliassaqarfiit makku siunnersuinikkut ingerlassinnaalissallugit:
· Eqqaaveqarneq tamassumallu pilersaarusiornera
· Avatangiisit pillugit innarliinernik millisaaniarneq
· Nukissiuutit pillugit imminut pilersuineq
· Pissusilersuutit avatangiisitinnut iluarnerusut
· Avatangiisit pillugit akuersissutit
· Imeqarfiit tamassumalu ungataat
· Immap minguissusaannik innarliinaveersaarneq
· Pinngortitaq pillugu illersuiniarnerit
· Avatangiisit pillugit teknologi, aqutsineq nakkutilliinerlu
INUPLAN avatangiisit pillugit pilersaarusiorsinnaalissaaq, eqqakkat pillugit pilersaarusiorneq, avatangiisinut pinngortitanullu sunniutinik naliliiniarnerit, pinngortitamik illersuiniarnernut iluarsaassiniarnernullu pilersaarusiorneq taamatullu aamma sammisani makkunani siunnersuineq: eqqakkat, CO2/silaannaq/nukissiuutit, avatangiisimik innarliinaveersaarneq, illorsualiornermi suliffissualiornermilu avatangiisit pillugit naliliiniarneq akuersissutinillu piniarneq taamatullu aamma nunamik, imermik, silaannarmik il.il. migutsitsisimanermik misissueqqaarnerit.
Uuliasiornermi aatsitassarsiornermullu tunngatillugu INUPLAN aamma sulisoqassaaq avatangiisit pillugit sunniutinik naliliiniaasinnaasunik (EIA) taamatullu inuiaqatigiinnut isumannaatsumik sunniutissanik naliliiniarnerit (VSB/SIA).
INUPLAN A/S www.inuplan.gl nunatsinni siunnersuisarfiuvoq maannakkut 27-nik sulisoqartoq. Suliffeqarfiuvugut siuariartortoq aningaasatigullu toqqammavigissaartoq taamaalilluta unammisassat nutaat nukissaqarfigilluarlutigit.
Avatangiisit pillugit immikkoortortaqarfittaarnerput taamatullu aamma kallerup innera pillugu siunnersuisoqarfittaarnerput kingusinnerusukkut ilassinnissutitalimmik malunnartinniarumaarparput tamannalu tusagassiutitigut nalunaarutigineqarumaarpoq.
Annerusumik paasisaqarusukkuvit pisortaq Kristian Lennert tlf. 34 37 00, krl@inuplan.gl saaffigineqarsinnaavoq.