1. Aallaqqaasiut
Siunnersuinermi suliassat tamarmik INUPLAN-imi suliarineqartut taaneqartarput ”suliaq”, tamannalu sulisuninngaanniit ima immikkoortiternikunik suliarineqartarpoq
Sulinermi siunnersuisoq (SS)
Suliamik aqutsisoq (SA)
Suliamik sulisoq (S)
Suliassat angissusaat assigiinngiiartuupput tamannalu kingunerivaa suliassami immikkoortiterneqarnera suliassani anginerni sulisunik amerlanernik inuttaqartoq taavalu mikinerni ikinnernik sulisoqartoq taakkulu SS, SA aamma S-i sulinermi immikkoortiternerat imminnut qaninnerussaaq.
2. Isumaqatigiissutiliornermi pissutsit
INUPLAN-i suliassanik taamaallaat tigusisinnaavoq tamanna suliffeqarfiup ulluinnarni pisortaanik akuerineqarsimappat.
Suliamik siunnersuinermik suli aallartinnagu isumaqatigiissummik pisusimut sanasoqassaaq suliaq qanoq angitigissanersoq, killilerfiit taavalu akileraarutissat. Suliap angissusaa apeqqutaatillugu taavalu isikkua suliaq aallartinneqarsinnaavoq utaqqiisaagallartumik isumaqatigiissutiliorsimagaanni soorlu oqaatsit atorlugit pilersitaq. Isumaqatigiissup ilusaa imarisaalu siunnersuinerup tungaatigut akuerineqaqqaassaaq suliffeqarfiup ulluinnarni ingerlatsisuinik.
Suliffeqarfiup aqutsisuisa nalunaarutigisimavaat ulluinnarni ingerlatsisut piginnaaneqartut suliffeqarfiup aqqani isumaqatigiissutiliorsinnaasut siunnersuisarneq pillugu.
3. Sulinermi siunnersuisoq (SS)
SS saaffiginnittup taavalu suliffeqarfiup ingerlatsisuinut akisussaassuseqarpoq suliaq eqqortumik suliarineqassasoq, teknik-ikkut, piffissakkut taavalu aningaasat tungaatigut. Minnerunngitsumillu SS akisussaassuseqarpoq naammaginartumik suliffeqarfiup iluani suliaq aningaasat tungaatigut suliaqarluassasoq.
Suliffeqarfiup ulluinnarni sulisui suleqatigalugit SS-i suliap naammassineqarnissaa anguniarlugu akisussaassusermik SA-mut tunisisinnaavoq. SS-i SA suleqatigalugu akisussaassuseqarpoq suliaq inunnik sulilluarsinnaasunik tunngavilinnik suliaq suliarineqassasoq.
4.Suliamik aqutsisoq (SA)
SA isumaqatigiissut tunngavigalugu taavalu suliffeqarfiup piginnaassusaat tunngavigalugu akisussaassuseqarpoq suliassamik program-iliussasoq, makku taakkartorneqartut suliamut ilanngutassaallutik:
Suliamik tunngavissaq
Neqeroorutit (ydelser)
Suliap immikkoortiterneqarnera
Piffissamik killilersuineq
Akiligassap annertussusaanik naatsorsuineq
Inaarutaasumik akiligassanik akiliineq
SA suliassap suliarineqarluarnissaanik isumannaassaaq. Tamanna allaqqassaaq qanoq suliarilluarneranut isumannaarsorneqassasoq –aqunneqassasoq taavalu qanoq suliarineqassasoq allaqqassaaq.
SA suliaq aqussavaa taavalu SS-i suliaq qanoq ingerlaneranik oqaluttuuttassavaa.
SA suliffeqarfiup iluani sulisut sulinerat aqussavaa taavalu suliap ingerlanerani pisisumut taavalu suliffeqarfinnut suleqatinut allanut attaveqartassalluni. Suliamut tunngatillugu suleqatigiit imminnut attaveqarsinnaapput kisianni tamanna SA-p nakkutigisassavaa.
SA-p akisussaassuserivaa suliami sulisut allat pingaartunik ilisimatitissalluni, suliaq naammasinissaa pillugu.
5.Suliassami sulisut (S)
Suliassap ingerlaniarnerani malitassaq (sagsprogram) tunuliaqutigalugu sulisut sinneri akisussaaffigaat sapinngisatik piginnaanitillu iluani suliaq naammaginartumik pitsaasumillu suliarineqarnissaa. Taamalilluni sulititisup (kunden) ilimagisai taavalu pisariaqartitaanik ilanngussinissamik suliap iluanut.
S taavalu SA peqatigiillutik suliaq misissussavaat taamaalillutillu isumannaarlutik sulisup nalunngisai ajoquteqanngitsut, suliaq naammasinissaanut. Pisariaqartitamik immikkut nalunngisamik atorfissaqartitissagutta taava suliffeqarfiit suleqatitinnik aallersinnaavugut. Tamanna pillugu inatsisit pkt. 2-mi taaneqartut atuupput.
S SA-mut ilisimatitisassaaq arlaannik pisititisusmut (kunden) saaffiginninnermi imaluunniit suliffeqarfinnut suleqatitsinnut oqaloqatigiissimagaangatta taava SA-p tamanna ilisimasassavaa.
6. Suliaqarluarnermik isumannaaneq (SI)
Anguniakkagut suliaqarluarnerup tungaatigut ima oqaatigineqarsinnaavoq:
INUPLAN pisisumut neqeruussaaq, taamaalilluni pisisup ilimagisai pisariaqartitaalu piviusunngortinnissaanik isumaqatigiissut malillugu.
Neqeroorutit ima suliarineqassapput suliaq suliarilluagaassalluni taavalu aningaasat akiliutissat (omkostninger) unammillernerup tungaatigut isumannaarneqassallutik.
Pitsaasunik tatiginartunillu atassusiliussaagut pisisutsinnut taavalu sulisutsinnut. Tamanna peqqutaavoq pisisup suliamut ilimagisai taavalu pisariaqartitai paasineqarlutillu eqqaaneqarniassammata, taamaalilluni suliaq piviusunngorniassammat.
Projekt-it suliarineqartarput pisisoq qanittumik suleqatigalugu, taava suliap ingerlanerani naanissaata tungaanut paaseqatiginninneq taavalu akuerinninneq anguneqarniassammat.
Pingaartumik suliap suliarilluarneqarnissaa pillugu isumannaarsuinermut pingaartipparput suliassat tamarmik sulisunik tulluartunik suliarineqartut. Taamaattumik suliassat tamarmik sulinermik immikkoortitamik aaqqissuunneqarlutik suliarineqartarput sulisugut suliassap tungaatigut piginnaassusinik taavalu inuttut piginnaassusii tulluartunik inuttalertarpagut.
Ilutsinni suliaqarluarnermik makku pingaarnermik ilaapput:
| Misissueqqissaarneq |
Suliaq uterfigeqqillugu taavalu nalilersorlugu pisariaqartitanik immikkoortunik taavalu paasisanik naammaginartumik suliaasimanersoq. Taavalu ajornartorsiutit arlaat nassaaralugit taavalu allamik siunnersuilluni. |
| Nalilersuineq |
Suliaq misissorlugu una tunuliaqutigalugu: suliaq kukkuneqannginniassammat taavalu arlaannik amigaateqannginniassammat suliaq nassiunnginnerani. |
ABR malillugu siunnersuineq immikkoortortanik sulinerup malitassaanik makkuninnga immikkoortiterneqassasoq, siunnersuut, projektering-i, suliarineq taavalu atorneq. Suliamik misissueqqissaarneq ima sananeqarsimavoq suliamik naammassilluarnissamik aallaqqaataaniilli aalajangerneqareersimassalluni. Taavalu nalilersuinermi annermik kingusinnerusuni immikkoortortani suliarineqassalluni.
Suliassami naliginnaasumi siunnersuut suliarineqartarpoq kinguneranilu suliaq pingaarneq (hovedprojekt) suliarineqassalluni. Imatullu tamanna suliarineqartarpoq:
Siunnersuut misissoqqissaarlugu
Suliaq pingaarneq nalilersorlugu.
Misissueqqissaarneq suliarineqassaaq sulisuminngaanniit suliassamut ilisimasaqarluartumik. Naliliinermi immikkoortinneqarnavianngilaq akisussaaffimminut neqeroorummut.
Suliassamik aqutsisoq suliassaq aqussavaa isumannaarlugu suliap naammassinissaa taavalu isumaqatigiissut naapertorlugu suliaq naammassineqassalluni.
Suliap allagartai pingaarnerit ima atsiorneqartarput.
| Kisits. / Suliarinnittoq |
Suliassami sulisut |
| Misissueqqissaarneq / Naliliineq |
Taakku sulisut misissueqqissaartut / naliliisut |
| Akuerinninneq |
Suliamik aqutsisoq |
Qulaani taaneqartumi suliamik siunnersuummik taavalu suliamik pingaarnermik imallit siunnersuummut misissueqqissaarneq ingerlaannaq atsiorneqarlutik taavalu allanneqartarlutik suliap naammassineqariartoq nassiunneqarlunilu. Suliaq pingaarneq nalilerneqassaaq suli titartakkat naqiterneqannginnerani taavalu “Særlig Arbejdsbeskrivelse”-p suliarineqannginnerani. Periarfissani marlunni allakkat suliarilluarnermut isumannaarsuummut tunngasut naammassineqarsimassapput toqqorsivimmullu ilanngunneqarsimassallutik. Siunnersuut taavalu suliaq pingaarnermut attuumasoq “Særlig Arbejdsbeskrivelse”-i.
Misissukkat / nalilikkat allakkat stempel-erneqartarput “KS – KOPI” imaluunniit assinganik isumalimmik nalilersuisumillu atsiorneqartarluni. Uterfigeqqereeraanni taavalu aaqqitassat aaqqereeraanni sulisup suliaanut tunngatillugu taava allakkat katersorneqartarput piffissamut tassunga tunngasumut. Taakkulu minnerpaamik ukiut 5 imaluunniit annerpaamik ukiunik 10-nik paarineqartarlutik.
Piffissani sulisunik suliassap tungaatigut piginnaanilinnik amigaateqaraanni taavalu naliliinissaq ajornakusoortileraanni (soorlu allaffimmi ataatsimik sulisulimmik) taava tamanna suliassamik siunnersortilu qanoq iliuusissamik isumaqatigiittoqassaaq qanoq allami suliassap tungaatigut naliliisoqassanersoq.
