INUPLAN A/S suleqatigiiffik MITTA aqqutigalugu, Kalaallinik ingeniør- arkitektinillu suliffeqarfinnik aqunneqartoq, pilersaarusiornerit taavalu licitation-inik sanasimavoq mittarfinnut Kalaallit Nunaanniittuni: Sisimiuni, Maniitsumi, Aasianni, Uummannami (Qaarsut), Upernavimmi, Paamiuni taavalu Qaanaap mittarfiani.
INUPLAN A/S aamma pilersaarusiornerit kinguneranilu licitation-it Kulusup mittarfianik nutarterneranut kivitsisimalluta, taavalu Narsarsuarmi mittarfiup aqqutaa qallerluaneranut peqataasimalluta aammattaaq Qaqortumi siunnersuisimalluta 1799 meterinik mittarfeqassasoq, Ilulissanilu aammalu Nuummi 2200 meterinik mittarfeqassasoq taavalu siunnersuisimalluta 3000 meterinik takissusilimmik Akiani mittarfeqassasoq. Taavalu pilersaarusiorluta naliliillutalu mittarfinnik naatsunik illoqarfinni sinnerini.
